Елордалық мектептер мен колледждерде балалардың қауіпсіздігі қалай қамтамасыз етіледі

Астана қаласы Білім басқармасы басшысының орынбасары Серік Әділбаев Өңірлік коммуникациялар қызметінде өткен брифингте мектептер мен колледждерде оқушылардың қауіпсіздігін қамтамасыз ету үшін қабылданып жатқан шаралар туралы айтты, деп хабарлады Elordainfo.kz қала әкімдігінің ресми сайтына сілтеме жасап.

Бүгінгі таңда елордада 286 мың бала білім алушылардың жалпы контингенті бар 188 мектеп, сондай-ақ 36 360 студентті қамтитын 32 колледж, 13 қосымша білім беру ұйымы және 16 арнайы білім беру ұйымы жұмыс істейді.

«Балалардың құқықтарын қорғау мәселесінде біз пәрменді шаралар қабылданатын басым бағыттарды белгілейміз. Бүгінгі таңда қаланың барлық білім беру ұйымдары автоматты өрт дабылы жүйесіне қосылған, сондай-ақ цифрлық бейнебақылаумен қамтамасыз етілген. Сондай-ақ барлық камералар мен дабыл түймелері Астана полиция департаментінің жанындағы ЖБО-ға қосылған», - деді Серік Әділбаев.

Биыл барлық білім беру нысандары (мектептер, колледждер, қосымша ұйымдар) Face ID жүйесі бар заманауи турникеттермен жабдықталды.

Сонымен қатар барлық білім беру ұйымдарында қала ТЖД мамандарымен бірлесіп, меншік нысанына қарамастан барлық мекеме басшылары, табиғи және техногендік сипаттағы төтенше жағдайлар туындаған жағдайда қызметкерлер мен оқушылар үшін тұрақты негізде жаттығулар, сондай-ақ авариялық жағдайлар бойынша жаттығулар өткізіледі.

Айта кету керек, елордада кәмелетке толмағандар арасында түсіндіру жұмыстары белсенді жүргізіліп жатыр. 

Елордада «Жеке» психологиялық қолдау орталығы» құрылды. Ол білім беру ұйымдарының психологиялық қызметтерінің қызметін үйлестіріп, педагог-психологтарға әдістемелік қолдау көрсетеді. Сонымен қатар оқушылармен, педагогтармен және ата-аналармен профилактикалық жұмыстар жүргізеді. Биылғы 1 маусым мен 30 қазан аралығында КҚО психологтары 602 жеке консультация өткізді. Қаланың 5 ауданында оқушыларға, ата-аналар мен педагогтарға тегін психологиялық-консультациялық көмек көрсету кабинеттері жұмыс істейді.  Жыл басынан бері 362 бала және 407 ата-ана психологтардан кеңес алды. Осы оқу жылында қала мектептерінде психологтардың саны 200 штаттық бірлікке артты», - деді Білім басқармасы басшысының орынбасары.

Қаланың оқу орындарында буллингке қарсы бағдарлама жүзеге асырылуда.

Ол үшін пилоттық жобаға 5 мектеп (Алматы ауданының № 72 мектебі, Байқоңыр ауданының № 16 мектебі, Нұра ауданының № 79 мектебі, Есіл ауданының № 24 мектебі, Сарыарқа ауданының № 6 мектебі) енгізілді. Осы бағдарлама шеңберінде қорқытудың алдын алу және азайту, буллингтің анықталған жағдайларын шешу бойынша іс-шаралар өткізіледі. Сондай-ақ мұғалімдерге оқушылардың мазасыздық дәрежесін анықтау дағдыларын үйрету жұмысы жүргізіледі.