Заттарды қайта қолдану: студенттер елордалық эко-хабтың қалай жұмыс істейтінін көрді

Астана қаласы әкімдігі

«Таза Қазақстан» экобастамасы аясында елордалық студенттерге жаңа эко-хабқа экскурсия ұйымдастырылды. Қатысушыларға қалдықтарды сұрыптау және бастапқы қайта өңдеу үдерістері көрсетіліп, Қазақстанда жеті жылдан бері экологиялық өмір салтын насихаттап келе жатқан компанияның жобалары туралы айтылды, деп хабарлады Elordainfo.kz.

Эко-хаб – экологиялық мәдениетті қалыптастыру және ресурстарға саналы қарауды дамыту үшін құрылған кеңістік. Студенттер пластик қақпақтарды қайта өңдеу кезеңін өздері жасап көрді. Олар велошредердің педальдарын айналдырып, қақпақтардың пластик гранулятқа айналу үдерісін бақылады.

Эко-хабта пластик, алюминий, макулатура, шыны және жақсы күйдегі қажетсіз заттар қабылданады. Киім мен аксессуарларға арналған арнайы бокс орнатылған. Бұл заттар кейін әлеуметтік дүкенге жіберіліп, қайта қолданысқа өтеді.

Хабтың мақсаты – қала тұрғындарының экологиялық мәдениетін арттыру.

«Біз ел бойынша экомәдениетті дамыту және енгізу бойынша жұмыс істеп келеміз. Басты миссиямыз – халық арасында экологиялық мәдениетті қалыптастыру, ресурстарды үнемдеп пайдалануды үйрету және қоршаған ортаға қамқорлық жасау қолжетімді әрі қызықты бола алатынын көрсету», – деді Астанадағы эко-хаб жобасының жетекшісі Әйгерім Жарылғапова.

Оның айтуынша, эко-хаб қабылданатын фракциялар тізімін айтарлықтай кеңейткен. Жуырда қайтадан шыны қабылдау басталып, киюге жарамсыз текстильді қайта өңдейтін мамандандырылған компаниямен келіссөздер жүргізілген.

Мұнда шикізат қабылдау пунктінен бөлек, мұнда шеберлік сабақтары, дәрістер және мектеп оқушылары мен ересектерге арналған экскурсиялар ұйымдастырылады.

«Қазір экскурсиялар күн сайын өтеді. Біз түрлі іс-шараларды табиғи етумен айналысамыз, ірі жобалармен жұмыс істейміз және адамдарға Қазақстанда қайта өңдеу бар екенін және оның шынымен де жұмыс істейтінін көрсетеміз», – деді спикер.

Студенттер экскурсияның кәдімгі қалдықтарға – қайта қолдануға болатын ресурс ретінде қарауға мүмкіндік бергенін атап өтті.