Жаңа Конституцияда мәдениетті дамытуға басымдық берілген – Жанна Қуанышева

Фото: Конституциялық сот

Белгілі актриса Жанна Қуанышева жаңа Конституцияда мәдениетті дамытуға басымдық берілгенін айтты, деп хабарлады Elordainfo.kz.

«Жаңа редакциядағы Конституция жобасы қоғамдық талқылау мен кәсіби сараптама негізінде әзірленді. Құжатта қоғамның қазіргі сұраныстары ескеріліп, адам құқықтары мен бостандықтарын қорғау күшейтілген.

Білім, ғылым және мәдениетті дамытуға басымдық берілген. Ал тәуелсіздік, аумақтық тұтастық пен басқару нысаны өзгеріссіз қалады.
Бұл – уақыт талабына сай жасалған маңызды қадам», – деді Жанна Қуанышева «Қазақфильм» киностудиясының инстаграм парақшасында жарияланған видеода.

Бұған дейін Мәжіліс депутаты Аманжол Әлтайдың Ата заңымызды жетілдіру процесіне барша қазақстандықтардың мән беруі қажет екенін айтқанын жаздық.