Іздеу УҚТ-радиобайланыс: Қазақстан ТЖ басқару тиімді жүйесін ТМД кеңістігінде алғаш болып іске асырды
Дәукен Тұрдашев
Қазақстан Республикасының азаматтық қорғау мемлекеттік жүйесінің бірыңғай ведомствоаралық радио желісінде жұмыс басталды, деп хабарлады Elordainfo.kz ТЖМ баспасөз қызметіне сілтеме жасап.
ТЖМ мәліметінше, соңғы уақытқа дейін Қазақстан Республикасында аумақтың едәуір ұзақтылығына байланысты әрбір өңірде УҚТ-радиобайланыс жүйесі дербес қалыптасты. Техникалық шешімдердің бытыраңқылығы, бірыңғай стандарттың болмауы және өңіраралық өзара іс-қимылдың шектеулі мүмкіндіктері, әсіресе төтенше жағдайларда бөлімшелерді басқару тиімділігін айтарлықтай төмендеткен.
«Байланыстың орнықтылығына, сенімділігіне және жеделдігіне қойылатын өсіп келе жатқан талаптар республикалық деңгейдегі бірыңғай орталықтандырылған УҚТ-радиобайланыс жүйесін құруға негіз болды.
Осы міндетті іске асыру үшін Төтенше жағдайлар министрлігі, Ұлттық Ұлан және Қазақстан Республикасы Ішкі істер министрлігі өкілдерінің қатысуымен ведомствоаралық жұмыс тобы құрылды.
Жұмыс тобының қызметі шеңберінде ведомствоаралық радиожеліні құру қағидаттарын, радиоқамтудың басым аймақтарын айқындауды, инфрақұрылым объектілерін орналастыруды, сондай-ақ басқару тиімділігін және күштер мен құралдардың өзара іс-қимылын арттыру мақсатында жобаны іске асырудың кезеңділігін қоса алғанда, оны ұйымдастыру мәселелері егжей-тегжейлі қарастырылды және пысықталды», - делінген хабарламада.
Қабылданған шешімдердің қорытындысы бойынша негізгі елдімекендер мен негізгі көлік бағыттарын қоса алғанда, Қазақстан Республикасы аумағының негізгі бөлігінде радиоқамтуды басым қамтамасыз ете отырып, желіні кезең кезеңмен өрістету көзделген. Жыл бойы базалық станцияларды орнату бойынша монтаждау жұмыстары жүргізілген.
«Қойылған міндетті іске асыру еліміздің барлық өңірін бірыңғай радио желісіне біріктіруге мүмкіндік беріп, оны одан әрі кеңейту үшін, оның ішінде шалғайдағы аудан орталықтары мен жетуге жолы қиын аумақтарды қамту есебінен жағдай жасады.
Жүйені одан әрі дамыту шеңберінде 2026 жылы облыс орталықтарында, республикалық маңызы бар қалаларда және Астанада тұрақты радиосигналды қамтамасыз ету үшін қосымша базалық станцияларды сатып алу көзделген.
SmartOne диспетчерлік платформасын қолдана отырып, аудандық бөлімшелердің цифрлық ретрансляторларын ірі ауылдық елдімекендерде, шалғайдағы объектілерде, автожолдарда және орман алқаптарында радиобайланысты қамтамасыз ету үшін кейіннен оны ұлғайта отырып, транкингтік желіге біріктіру жоспарлануда», - деді ведомстводан.
Дамудың келесі маңызды кезеңі транкингтік желілер, 3G/4G/LTE кең жолақты қолжетімділік желілері және Интернет желілері корреспонденттерінің жұмысын бірыңғай коммуникациялық кеңістікте біріктіруге мүмкіндік беретін HyTalk коммутациялық жабдығын пайдалана отырып байланысты ұйымдастыру болмақ.
Айта кетейік, Қазақстан Республикасы ТМД кеңістігінде мұндай ауқымдағы және аумақтық қамтудағы радио желісін іске асырған алғашқы ел болып саналады.
Бұған дейін 2025 жылы елімізде 150 ерікті өрт сөндіру пункттері ашылғанын жаздық.
