Үкімет Қазақстанның цифрлық шешімдерді сататын елдер қатарына кіруі үшін озық IT-технологияларды қарқынды дамытуды жалғастырады

Фото: Үкіметтің баспасөз қызметі

Үкімет Қазақстанның цифрлық шешімдерді жасайтын және сататын елдер қатарына кіруі үшін озық IT-технологияларды қарқынды дамытуды жалғастырады. Үкімет отырысында Премьер-министр Олжас Бектенов Президенттің цифрлық мемлекетті қалыптастыру және озық технологияларды дамыту бойынша стратегиялық міндет қойғанына назар аударды, деп хабарлайды Elordainfo.kz.

Президент Қазақстанды цифрлық мемлекетке айналдыру міндетін қойды.

Озық технологиялар саласында біз цифрлық шешімдер мен қызметтерді сәтті жасап, сата білетін жетекші елдердің қатарына кіруге ұмтылуымыз керек, — деп атап өтті Премьер-министр.

Өткен жылы цифрландыру және ЖИ саласында белгілі бір жұмыстар жүргізілгені атап өтілді.

Былтыр цифрландыру және жасанды интеллект саласында бірқатар ірі жобалар жүзеге асырылды.
Заңнамалық база жасалды, есептеу қуатын сатып алу қамтамасыз етілді, alem.ai ұлттық жасанды интеллект орталығы іске қосылды.

Қазақстандық IT-қызметтер экспортының көлемі өткен жылы шамамен $1 млрд долларға жетті. Бұл жұмысты белсенді түрде жалғастыру керек, — деп атап өтті Олжас Бектенов.

Сондай-ақ Премьер-министр Жасанды интеллект және цифрлық даму министрлігіне мүдделі тараптармен бірлесіп, «Digital Qazaqstan» стратегиясын әзірлеуді жеделдетуді тапсырды.