Шымкент қаласында құны 69 млрд теңгені құрайтын заманауи жылыжай кешенінің құрылысы басталды, деп хабарлады Elordainfo.kz.
Жобаға поляктық Fabe-Agro компаниясы бастамашылық жасады және негізгі инвестор да осы компания.
«Жаңа кешен көкөністер, бақша өнімдері, тамыржемістер мен түйнектер өсіруге арналған және жалпы аумағы 144 гектар. Қазіргі уақытта нысанда инженерлік коммуникацияларды тарту жұмыстары жүргізілуде.
Толық іске қосылғанда кешенде жыл сайын 36 мың тоннаға дейін көкөніс өнімдері өндірілетін болады», - делінген Ауыл шаруашылығы министрлігінің хабарламасында.
Жобаны аяқтау 2028 жылға жоспарланған.
Бұған дейін Шымкентте жылына 155 мың тонна қызанақ өндіруге есептелген, еліміздегі ең ірі жылыжай кешендерінің бірі ашылған болатын.
