Қазақстан сегіз мемлекетке ас тұзын экспорттады

Фото: araltuz.kz

Былтыр Қазақстанда 415,7 мың тонна ас тұзы өндірілген, деп хабарлайды Elordainfo.kz Ұлттық статистика бюросына сілтеме жасап.

Импортталған тұз көлемі де өскен, былтыр елімізге 36,2 мың тонна тұз әкелінді, ол 13,1%-ға артқан.

Экспортқа келетін болсақ, Қазақстан 251 мың тонна тұз экспорттаған, бұл бір жыл бұрынғы көлемнен 9,7% аз. Қазақстандық тұзды импорттайтын негізгі елдерге Ресей, Қырғызстан, Өзбекстан, Әзербайжан, сондай-ақ Қытай, Грузия, Латвия және Германия кіреді.

Ал былтыр ішкі нарықта 200,8 мың тонна ас тұзы сатылды. Тұздың орташа бағасы 1 келіге 90 теңге. Ең төменгі баға Қызылордада тіркелді – 65 теңге, ал ең жоғары баға Алматы қаласында, мұнда 1 келі өнімнің орташа бағасы 112 теңге.

Еске сала кетсек, әлеуметтік маңызы бар азық-түлік тізбесі уақытша кеңейтілді.