Қазақстан мен Түркия астаналары арасындағы әуе рейстерінің саны артады

Фото: freepik.com

Қазақстан халықаралық авиақатынасты кеңейтуді жалғастыруда. Ағымдағы жылдың тамыз айынан бастап AJET әуе компаниясы «Астана – Анкара» және «Алматы – Анкара» бағыттары бойынша рейстер санын арттырады, деп хабарлайды Elordainfo.kz Көлік министрлігіне сілтеме жасап.

Егер қазір ұшулар аптасына екі рет орындалса, жақын арада жолаушылар бұл бағыттар бойынша аптасына жеті рет ұша алатын болады. Осылайша, Қазақстан мен Түркия астанасы арасындағы рейстер күнделікті дерлік болады.

Ұшу жиілігінің артуы екі ел арасындағы сапарларды ыңғайлы ете түседі және туризмді, іскерлік байланыстарды, сондай-ақ сауда-экономикалық ынтымақтастықты дамыту үшін жаңа мүмкіндіктер туғызады.

Көлік министрлігі халықаралық авиамаршруттардың географиясын кеңейту және сұранысқа ие бағыттар бойынша рейстер санын арттыру жұмыстары тұрақты негізде жалғасып жатқанын атап өтті.

Жаңа әуе рейстері Қазақстан мен Түркия арасындағы байланыстарды нығайтуға және жолаушылар үшін мүмкіндіктерді кеңейтуге қосымша үлес қосады.

Еске салайық, бұған дейін Астанадан Дубайға бағыт алған ұшақ әуежайға кері қайтқаны туралы жаздық.