Президенттік жастар кадр резервіне іріктеу қашан басталады

Фото: Elordainfo.kz

1 маусымда Президенттік жастар кадр резервіне кезекті іріктеу басталады. Бұл туралы Мемлекеттік қызмет істері агенттігінің төрағасы Дархан Жазықбай брифингте айтты, деп хабарлады Elordainfo.kz.

Брифинг барысында журналистер төрағаға «Жастар мен мемлекет үшін жобаның маңыздылығы қандай?» деген сауал қойды.

«Қасым-Жомарт Тоқаев өз сөзінде: «Біз мемлекеттік басқаруға жастарды тартуымыз керек. Сол себепті мен Президенттік жастар кадр резерві жобасын ұсынамын» деп айтты. Содан бастап жастар осы жобаға қатысып жатыр. Қазіргі цифрлық заманда заманауи білімі бар, білікті мамандар мемлекеттік қызметте әрқашан қажет», - деді төраға.