Астанадағы Мамандандырылған халыққа қызмет көрсету орталығы маңында автокөліктердің қысқы дрифт бәсекесі ұйымдастырылды, деп хабарлады Elordainfo.kz.

Қысқы дрифт - темір тұлпарға қызығушылардың арасында танымалдылыққа ие.

«Биыл Астанадан бөлек, Қостанай, Ақмола, Павлодар, Қарағанды сынды өзге өңірлеріден  30-ға жуық арнайы қатысушы келді. «Зимхана Астана» шарасының басты ерекшелігі - тек жылдамдыққа ғана емес, техникаға да басты мән берілуі. Әр қатысушы қиындыққа толы маршрутты мінсіз жүріп өтуге тырысып, шеберліктерін паш етеді. Қатысушыларға айтарлықтай қатаң талабымыз жоқ. Бастысы көлігі болуы қажет. Алдағы уақытта жарыстың ауқымын кеңейтіп, өзге қалаларда да өткізу, жүргізушілер үшін тәлімгерлік бағдарламаны енгізу жоспада бар», - деді «Джимхана Астана» автоспорт жарысының ұйымдастырушысы Тимур Көбенов. 

Аталмыш іс-шараның басты мақсаты –  жастар арасында автоспортты насихаттау, қызықты әрі қауіпсіз экстремалды жарыс өткізу.