БҚО тұрғыны қар құлап қираған кондиционерінің шығынын өндіріп алды

Фото: freepik.com

Батыс Қазақстан облысында тұрғын шығынды өндіріп алу үшін тұүрғын үйді басқарушы компанияны сотқа берді, деп хабарлайды Elordainfo.kz облыстық соттың баспасөз қызметіне сілтеме жасап.

Кондиционердің сыртқы блогы ғимараттың төбесінен қар құлаған кезде зақымданған. Мүлік иесі ғимараттың төбесіне жиналған қар мен мұз уақытылы тазаланбады деп мәлімдеді.

Сондықтан ол ғимаратқа жауапты үйдің басқарушы компаниясынан зақымданған кондиционер үшін 657,9 мың теңге өндіруді сұрады.

Сот тұрғынның шығынды өтеу туралы арызын қанағаттандырды. Үйді басқарушы компаниядан 581 мың теңге залалды және кондиционерді техникалық тексеру үшін жұмсалған 62 мың теңгені өндіруді міндеттеді.

Шешім заңды күшіне енген жоқ.