Іздеу Биыл 300 бизнес субъектісі пилоттық режімде қашықтан аккредиттеледі
Жәнібек Амангелді
Елімізде тиімділікті ашықтық пен цифрландыруға негізделген ашық аккредиттеу жүйесін әзірленіп жатыр, деп хабарлайды Elordainfo.kz Сауда және интеграция министрлігіне сілтеме жасап.
«Жаңа цифрлық механизм зертханаларды, сертификаттау органдарын және аккредиттеу жүйесіндегі басқа ұйымдарды қоса алғанда, нарықтың негізгі қатысушыларын қамтиды. Жаңа формат қашықтықтан бағалауға, процедураларды жылдамдатуға, қарапайым және ашық етуге, қажетсіз ресмилікті азайтуға және су тасқыны, карантин, саяхат шектеулері кезінде де сыбайлас жемқорлық тәуекелін жоюға мүмкіндік береді», делінген министрліктің хабарламасында.
Ұлттық аккредиттеу орталығының бас директоры Искандер Хамитовтың айтуынша, қашықтықтан жұмыс істеу форматы қажетсіз кедергілерді жояды. Бұрын бағалау орнына бару және жеке қатысуды талап ететін процедуралар енді цифрлық құралдарды пайдалану арқылы онлайн режимде қолжетімді.
«Қашықтан бағалау форматы тек жоспарланған бағалау мен белгіленген критерийлерге сәйкес келетін ұйымдар үшін қолжетімді екенін атап өту маңызды. Бастапқы аккредиттеу, жаңарту, орын ауыстыру немесе қызмет кеңейтуі әлі де жергілікті сарапшылар тобын қажет етеді», делінген хабарламада.
Механизм кезең-кезеңімен жүзеге асырылады. 2026 жылы шамамен 300 субъект пилоттық режімде іске қосылады. Алғашқы бағалау жергілікті техникалық сарапшының бақылауымен жүргізіледі. 2027 жылы жүйеге барлық жоспарлы тексеруді қосу жоспарланып отыр. 700 субъектінің кейбіреуі жоғары стандартты сақтай отырып, қашықтықтан бағалаудан өте алады.
Еске салсақ, елдегі медициналық ұйымдардың 60 пайызы ұлттық аккредиттеу жүйесімен қамтылады.
