Сенат Катар мемлекетіне қазақстандық жұмыскерлерді жұмысқа орналастыруды реттеу туралы екі ел арасындағы келісімді ратификациялады, деп хабарлады Elordainfo.kz.

Құжат қазақстандықтарды Катарда ресми жұмысқа орналастыру үшін құқықтық негіз жасайды және тараптардың өзара міндеттемелерін көздейді.

Катардағы жұмыс беруші жұмысшының жол жүру, Отанына оралу шығындарын өз мойнына алады, сонымен қатар оларды тұрғын үймен, көлікпен, медициналық көмекпен және ақылы демалыспен қамтамасыз етеді.

Келісімде көрсетілгендей, бірлескен комитет осыған қатысты туындайтын мәселелермен айналысатын болады.