Астана күні елімізде 448 сәби дүниеге келді

Фото: magnific.com

Астана күні – 6 шілдеде еліміздің медициналық ұйымдарында 448 сәби дүниеге келді. Оның ішінде 223 ұл және 225 қыз бар, деп хабарлайды Elordainfo.kz Денсаулық сақтау министрлігіне сілтеме жасап.

«Мереке күні Қазақстанда екі егіз дүниеге келді, олардың екеуі де Астана қаласында туған.

Ең көп нәресте – 67 сәби Түркістан облысында дүниеге келді. Алматы қаласында 44 сәби өмір есігін ашса, Шымкент қаласы мен Алматы облысында 40 нәрестеден тіркелді», - делінген хабарламада.

Босандыру қызметін көрсететін медициналық ұйымдардың мамандары тәулік бойы жүкті, босанатын әйелдерге және жаңа туған нәрестелерге қауіпсіз әрі сапалы медициналық көмек көрсетуді қамтамасыз етеді.

Еске сала кетейік, Астанада қала күні 24 сәби дүниеге келді.