Астана халықаралық әуежайының баспасөз қызметі әлеуметтік желілерде әуежай аумағында орын алған өртке қатысты тарап жатқан ақпарат шындыққа сәйкес келмейтінін мәлімдеді, деп хабарлады Elordainfo.kz.

«Әуежай аумағында ешқандай төтенше жағдай тіркелген жоқ. Инфрақұрылым нысандары қалыпты режимде жұмыс істеп тұр, рейстер кестеге сәйкес орындалып жатыр. Таралып жатқан фото және видео материалдар - жалған. Олардың біздің нысанға ешқандай қатысы жоқ. Ақпаратты тек ресми әрі расталған дереккөздерден алуларыңызды сұраймыз», - деп жазылған хабарламада.