Астана әуежайы аумағында жоспарлы оқу-жаттығу өтеді

Фото: Астана әуежайы

Бүгін сағат 12:00-ден 14:00-ге дейін Нұрсұлтан Назарбаев халықаралық әуежайы аумағында авиациялық оқиға кезіндегі іс-қимылдарды пысықтауға арналған жоспарлы оқу-жаттығу өткізіледі, деп хабарлайды Elordainfo.kz.

Оқу-жаттығу барысында әуежайдың авариялық-құтқару қызметі Астана қаласының Төтенше жағдайлар департаментімен, өрт сөндіру бөлімшелерімен, жедел-құтқару жасағымен, Апаттар медицинасы орталығымен, 103 қызметімен және әуе компанияларымен бірлескен әрекеттерді пысықтайды.

«Құрметті жолаушылар мен қала тұрғындары!

Іс-шара кезінде әуежай аумағында арнайы техника мен жедел қызметтердің жұмысы ұйымдастырылуы мүмкін.

Түсіністік танытқандарыңыз үшін рақмет!» - делінген хабарламада.

Еске сала кетейік, елордада жаңа Fly Park экстремалды скейт алаңы ашылды.