«2027 жылы пайдалануға беріледі»: Астанада Диснейленд салынып жатыр ма

фото: freepik.com

Үкімет отырысынан кейін өткен баспасөз мәслихатында туризм және спорт вице-министрі Ержан Еркінбаев «Астанада Диснейленд салынып жатыр ма?» деген сұраққа жауап берді, деп хабарлады Elordainfo.kz.

Вице-министрдің сөзінше, «Барыс Арена» мұз сарайының маңында құрамында ойын-сауық паркі бар көпфункционалды туристік кешеннің құрылысы басталды.

«Бұл Диснейленд емес. Жобаны шетелдік инвестор іске асырады. Бүгінде жұмыс басталды. Ол тек ойын-сауық орталығы ғана емес, сонымен қатар үлкен сауда орталығымен халықаралық деңгейдегі қонақ үйді қамтитын болады. Бұл елордада туристерді қызықтыратын орын болады деп ойлаймыз. 2027 жылы жоспар бойынша осы үлкен кешеннің туристік бөлігі пайдалануға беріледі», – деді Ержан Еркінбаев.