Түнге қарай кейбір аймақтарда үсік жүреді

Синоптиктер бүгін еліміздің бірқатар аймақтарында дауылды ескерту жариялады, деп хабарлады  Elorda.info 

«Қазгидромет» РМК ресми  сайтының жазуынша Шымкентте желдің екпіні 15-20 м/с-қа дейін күшейеді. Ал Түркістан облысының солтүстігінде шаңды дауыл соғады деп күтілуде.  Облыстың солтүстік, батысында, сондай-ақ облыстың таулы және тау бөктеріндегі аудандарында желдің екпіні 15-20 м/с жетеді. Облыстың шөлейт аймақтарында жоғары өрт қаупі сақталады. 

Түнде Ақмола облысының шығысында  1 градус аяз, Шығыс Қазақстан облысының шығысында да 3 градус аяз күтіліп үсік жүреді. Сонымен қатар, түнде Павлодар облысының солтүстігінде тұман түседі. Қызылорда облысында таңертең және күндіз облыс орталығында және шығысында желдің екпіні 15-20 м/с жетеді.  

Қарағанды ​​облысының солтүстігі мен шығысында түнде және таңертең тұман күтіледі. Түнде облыстың солтүстігі мен шығысында 1 градус аяз сақталады. 

Ұлытау облысының оңтүстігінде жоғары өрт қаупі сақталады.