Синоптиктер жексенбіге арналған ауа райы болжамын жариялады

«Қазгидромет» РМК жексенбіге арналған ауа райы болжамын жариялады, деп хабарлады Elordainfo.kz.

Жетісу облысында солтүстік-шығыстан жел соғады, кей уақыттарда жылдамдығы 23-28 м/с. жетеді.

Ұлытау облысында шығыстан, оңтүстік-шығыстан жел соғады, облыстың батысында, солтүстігінде, шығысында екпіні 15-20, түнде облыстың солтүстігінде кей уақыттарда 23 м/с болады.

Қызылорда облысында шығыстан соққан жел батысқа ауысады, түнде облыстың орталығында, шығысында екпіні 15-20 м/с жел соғады.

Абай облысында жел оңтүстік-шығыстан соғады, облыстың оңтүстік-батысында, орталығында 15-20 м/с жетеді.

26 қаңтардың сағат 20.00-ге дейін Өскемен қаласы бойынша қолайсыз метеорологиялық жағдайларға байланысты екінші дәрежелі ескерту сақталады. Шығыс Қазақстан облысында жел шығыстан, оңтүстік-шығыстан соғады, түнде облыстың оңтүстік-шығысында 15-18 м/с.

Атырау және Ақтөбе облысында тұман түседі.

Алматы облысының солтүстігінде, оңтүстігінде, таулы аудандарында жолдарда көктайғақ болады. Шығыстан, оңтүстік-шығыстан жел соғады, түнде облыстың оңтүстігінде екпіні 18-23 м/с. жылдамдыққа жетеді.

Маңғыстау және Қостанай облысында тұман күтіледі.

Түркістан облысының батысында, оңтүстігінде, таулы және тау бөктерлі аудандарында тұман түседі.