Президент Қыдырәлі Болмановты 60 жас мерейтойымен құттықтады
Қасым-Жомарт Тоқаев өнер иесіне 60 жас мерейтойымен құттықтау хатын жолдады, деп хабарлады Elorda.info.
Замандастарыңыз өзіңізді халыққа танымал мәдениет қайраткері ретінде жақсы біледі, құрметтейді. Сізге зор денсаулық, отбасыңызға амандық пен бақ-береке тілеймін, - деп жазылған хатта.
Алғыс хатты әншіге Мәдениет және ақпарат министрі Аида Балаева табыс етті.
Құрметті президентіміз Қасым-Жомарт Кемелұлының туған күніме құттықтау хат жолдағанына басымды иіп, алғыс айтамын, - деп жазды Қыдырәлі Болманов өзінің әлеуметтік желідегі парақшасында.
Сондай-ақ бұл жазбаға танымал өнер қайраткерлері әншіні туған күнімен құттықтап, жылы лебізін білдірді. Олардың қатарында «Музарт» тобының мүшесі Сәкен Майғазиев, айтыскер ақын Балғынбек Имаш және т.б. бар.
Нурия Куанышкалиева