Найзағай ойнап, жаңбыр жауады: Бүгінгі ауа райы болжамы

Синоптиктер бүгінгі ауа райы болжамын жариялады, деп хабарлады Elorda.info.

«Қазгидромет» РМК-ның мәліметінше, бүкіл ел аумағында жаңбыр жауады, шығыста найзағай ойнап, қатты жауын-шашын түседі. Тек республиканың оңтүстік-батысында күн ашық болады.

Еліміздің басым бөлігінде жел күшейіп, еліміздің батысында, оңтүстік-шығысында, шығыста, солтүстікте, орталықта бұршақ жауады, оңтүстікте, шығыста, орталықта дауыл тұрады, оңтүстік-батыста шаңды дауыл болады, түнде және таңертең солтүстікте тұман түседі деп болжанады. 

Синоптиктер төтенше өрт қаупі - Түркістан, Маңғыстау, Жамбыл, Абай, Қостанай, Шығыс Қазақстан, Батыс Қазақстан, Қызылорда, Қарағанды және Ұлытау, Солтүстік Қазақстан, Павлодар, Атырау облыстарында төтенше өрт қаупі барын айтады. Сондай-ақ «Қазгидромет» РМК мамандары  Жетісу, Алматы, Батыс Қазақстан, Ақтөбе облыстарында өрт қаупі жоғары екенін ескертеді.