Ұландықтар жоғалған телефонды иесіне қайтарды
![Елорда ақпарат](https://elordainfo.kz/assets/img/profile-icon.png)
![Ұландықтар жоғалған телефонды иесіне қайтарды](https://elordainfo.kz/uploads/resized-images/2024/07/17213908639271576.webp)
Жаңаөзен қаласының қоғамдық тәртібін қадағалап жүрген 5548 әскери бөлімінің сарбаздары «Samsung» маркалы ұялы телефонды тауып, заңды иесіне қайтарып берді, деп хабарлады Elorda.info ҚР Ұлттық ұлан баспасөз қызметіне сілтеме жасап.
Ұлттық ұланның баспасөз қызметінің мәліметінше, сағат 18:30 шамасында әскери жасақ бастығы қатардағы жауынгер Әділет Макбозов, патрульші Оралбек Мұхтарұлы және Қазыбек Сәлімгерейге жеті жасар қыз смартфонын жоғалтып алғанын айтып, көмек сұраған. Бұл туралы сарбаздар аға бастықтарға хабарлады.
Смартфонның белгілері туралы мәлімет алғаннан кейін біз іздеуді бастадық. Осыдан кейін, сағат 20:40 шамасында біз жолдың шетінде, тротуарда жатқан телефонды таптық. Содан кейін қыздың ата-анасы бізге келіп, смартфон шынымен де балаға тиесілі екеніне көз жеткізді, - деді қатардағы жауынгер Әділет Макбозов.
Кішкентай қыздың ата-анасы әскери қызметшілерге қырағылығы үшін алғыс білдірді.