Өңірлерде «Мұз-2024» республикалық акциясы өтіп жатыр

«Мұз-2024» республикалық үгіт-насихаттық-профилактикалық іс-шарасы аясында Қарағанды облысының Төтенше жағдайлар департаменті облыстың барлық аймақтарында ауқымды рейдтер мен үгіт-насихаттық іс-шаралар кешенін жүргізді, деп хабарлады Elordainfo.kz ТЖМ баспасөз қызметіне сілтеме жасап.

Іс-шараларға ауқымды патрульдеу, халықты түсіндіру және ақпараттық материалдарды тарату кіреді. Оларды жүзеге асыруға волонтерлер, жергілікті атқарушы органдардың өкілдері, Қазақстан Республикасы Ұлттық ұланының әскери қызметшілері, полиция қызметкерлері және басқа да мүдделі құрылымдар тартылды.

«Жұмыс жоғары деңгейде ұйымдастырылған: негізгі тәуекел аймақтары қамтылған, мұздағы қауіпсіздік ережелері туралы халықтың барынша хабардар болуы қамтамасыз етілген, барлық тартылған қызметтер арасында тығыз өзара іс-қимыл орнатылған. Соның арқасында қыс мезгіліндегі төтенше жағдайлардың алдын алу мен жедел әрекет ету деңгейін арттыруға мүмкіндік туды», - деді Қарағанды облысы ТЖД бастығының орынбасары Роллан Есмағанбетов.

Департамент бұл бағыттағы жұмысты белсенді түрде жалғастырып, облыстың су айдындарында жазатайым оқиғалардың алдын алу шараларын күшейтуде.