Әскери институтқа курсанттар қабылдау басталады

21 шілде мен 8 тамыз аралығында армия генералы Сағадат Нұрмағамбетов атындағы Құрлық әскерлерінің әскери институтына курсанттарды қабылдау жүргізіледі, деп хабарлады Elorda.info Қорғаныс министрлігінің сайтына сілтеме жасап.

Әскери институтқа түсу 4 кезеңнен тұрады:

1)Кәсіби –психологиялық іріктеу;

2)Әскери-дәрігерлік сараптама жүргізу қағидаларына сәйкес, түпкілікті медициналық куәландыру жүргізіледі. 

3)Дене шынықтыру бойынша нормативтер тапсырады;

4)5 тамызда конкурстық іріктеу және жоғары оқу орны курсанттарының құрамына қабылдау болады.

Тамыздың 6-сы күні оқуға түскен курсанттардың тізімі оқу орнының сайтында орналастырылады. Келесі күні апелляцияға өтініштер қабылданады.  8 тамызда  әскери ЖОО бастығының курсанттарды қабылдау туралы бұйрығы бекітіледі.

Осы жылдың көктемінде мерзімді әскери қызмет өткерген және запасқа шығарылған азаматтар ҰБТ-ны есепке алмай жоғары оқу орнына түсе алады. Грантқа үміткерлерге елдің үш әскери жоғары оқу орнының бірін таңдау құқығы беріледі. Кейін QR коды бар сертификаттар автоматты түрде жасалады, - деп жазылған хабарламада.