Елімізде телерадио арналарын тарату 14 сағатқа тоқтатылады

Елімізде телерадио арналарын тарату 14 сағатқа тоқтатылады, деп хабарлады Elorda.info.

2023 жылғы 23 желтоқсанда сағат 03:00-ден 17:00-ге дейін «Қазмедиа орталығының» хабар тарату өзегін жаңғыртудың кезекті кезеңін аяқтау шеңберінде барлық технологиялық кешеннің желілік жабдығын ауыстыру жоспарлануда.

Сондай-ақ, «Қазтелерадио» АҚ спутниктік, цифрлық және аналогтық эфирлік желілерінің техникалық құралдарында сервистерді өшіре отырып профилактикалық жұмыс жүргізетін болады.

Осыған байланысты, көрсетілген уақыт кезеңінде эфирлік, кабельдік және спутниктік телерадио хабарларын тарату желілерінде теле-, радиоарналарды тарату тоқтайтыны туралы хабардар етеміз, - деді Мәдениет және ақпарат министрлігі.