Бірнеше өңірде жаңбыр мен қар жауады

«Қазгидромет» РМК бүгінгі ауа райы болжамын жариялады, деп хабарлады Elorda.info.

Елдің 11 өңірінде қолайсыз ауа райына байланысты ескерту жасалды.

Маңғыстау облысының солтүстігінде, шығысында тұман түседі.

Қарағанды облысының солтүстігінде, шығысында тұман, көктайғақ болады. Батыстан, солтүстік-батыстан жел соғады.

Ұлытау облысында тұман, көктайғақ болады. Солтүстік-батыстан жел соғады, түнде күші 15-20 м/с-ке жетеді.

Ақтөбе облысының батысында, солтүстігінде тұман.

Абай облысында оңтүстік-батыстан соғатын жел солтүстік-батысқа ауысады, күші 15-20, облыстың солтүстігінде, батысында, орталығында екпіні 23-28 м/с болады. 

Павлодар облысында жауын-шашын, күндіз облыстың солтүстік жартысында аздаған жауын-шашын (жаңбыр, қар). Облыстың басым бөлгінде көктайғақ болады. Оңтүстік-батыстан, батыстан жел соғады 15-20, екпіні 23-28 м/с-ке жетеді.

Қостанай облысының батысында, солтүстігінде тұман түседі. Солтүстік-батыстан соғатын жел оңтүстік-батысқа ауысады, күші 9-14, облыстың солтүстігінде, шығысында екпіні 15-20 м/с болады.

Шығыс Қазақстан облысының шығысында қатты жауын-шашын (жаңбыр, қар), көктайғақ күтіледі. 

Солтүстік Қазақстан облысының солтүстігінде, шығысында жауын-шашын (жаңбырдың соңы қарға ұласады), күндіз облыстың шығысында аздаған қар жауады. Облыстың солтүстігінде, шығысында көктайғақ болады.

Түркістан облысының таулы аудандарында нөсер жаңбыр жауады. 

Шымкентте солтүстік-батыстан жел соғады, екпіні 15-20, кей уақытта 23 м/с-ке дейін жетеді.