Бірнеше өңірде қар аралас жаңбыр жауады

«Қазгидромет» РМК бүгінгі ауа райы болжамын жариялады, деп хабарлады Elorda.info.

16 өңірде ауа райына байланысты ескерту жасады.

Атырау облысының солтүстік-шығысында қатты жауын-шашын (көбінесе жаңбыр түрінде) күтіледі. 

Ақтөбе облысының солтүстігінде, орталығында қатты жауын-шашын (жаңбыр, қар) күтіледі. Желдің бағыты оңтүстік-батыстан солтүстік-батысқа ауысады.

Ақмола облысының батысында, солтүстігінде қатты жауын-шашын (жаңбыр, қар) күтіледі. Түнде және таңертең облыстың солтүстігінде, шығысында тұман болады. 

Түркістан облысының солтүстік, батыс, таулы және тау бөктерлі аудандарында оңтүстік-батыстан жел соғады, күші 15-20, екпіні 23-28 м/с.

Шымкентте күндіз оңтүстік-батыстан жел соғады. Ал оның екпіні 15-20, кей уақытта 23 м/с. 

Қостанай облысының батысында, солтүстігінде, орталығында қатты жауын-шашын (жаңбыр, қар), көктайғақ болады.  Оңтүстік-батыстан соғатын жел солтүстік-батысқа ауысады.

Астанада оңтүстік-батыстан жел соғады, күндіз екпіні 17-22 м/с күтіледі.

Қарағанды облысының солтүстігінде, шығысында тұман болады.