Белгілі ақын, драматург Баянғали Әлімжанов Тәуелсіздік мерекесімен құттықтады

Қазақстанның еңбек сіңірген қайраткері, әдебиет пен өнер зерттеушісі, мәдениет қайраткері Баянғали Әлімжанов Тәуелсіздік мерекесімен құттықтады, деп хабарлады Elordainfo.kz.

«Тәуелсіздік -  қасиетті ұғым, ата-бабамыздың арманы, бүкіл халықтың арманы. Қашан да ел өзінің елдігін, халықтығын іздеген, біртұтас ел болу армандаған. Тәуелсіздігімізді қастерлеп, көзіміздің қарашығындай сақтауымыз керек. Біздің әрқайсымыздың ой-пікіріміз, көзқарасымыз әртүрлі болуы мүмкін, бірақ Тәуелсіздік ұғымына келгенде біз біртұтас болуымыз қажет. Менің ойымша, Тәуелсіздігімізді сақтауға әрқайсымыз өз саламызда қолымыздан келгенше ел үшін, халық үшін қызмет қылып, еңбек ету парыз. Тәуелсіздік - әлем картасында ел болып тұруымыздың бірден бір кепілі. Сіздерді мерекемен құттықтаймын, Тәуелсіздігіміз баянды, еліміз бақытты, жеріміз тыныш болсын», - деді Баянғали Тақанұлы.