Бүгінгі ауа райы болжамы: Тұман түсіп, күн салқындайды

«Қазгидромет» РМҚ бүгінгі ауа райы болжамын ұсынды, деп хабарлады Elorda.info.

Еліміздің 14 облысында дауылды ескерту жарияланды. 

Астанада түнде және таңертең тұман болады деп болжанады. 

Түнде және таңертең Ақмола облысының оңтүстігінде, шығысында тұман түседі деп күтіледі.

Күндіз Атырау облысының солтүстігінде қатты жаңбыр жауады деп болжанады. 

Алматы облысының солтүстік бөлігінде өрт қаупі жоғары болады деп күтіледі. Алматыда, сондай-ақ Қонаевта да аракідік найзағай ойнап, күн райы бұзылады. Солтүстік-шығыстан соққан желдің екпіні 15-20 м/с құрайды.

Батыс Қазақстан облысының батысында, оңтүстігінде, орталығында қатты жаңбыр жауып, найзағай ойнайды деп күтіледі. Облыстың солтүстік-батысында, оңтүстік-батысында, шығысында, орталығында төтенше өрт қаупі сақталады. 

Абай облысының батысында, солтүстігінде, орталығында қатты жаңбыр жауады деп болжанады. Облыстың орталығында, батысында, солтүстігінде найзағай ойнайды деп күтіледі. 

Шығыс Қазақстан облысының  солтүстігінде, шығысында, оңтүстігінде солтүстік-батыстан соққан желдің екпіні - 15-20 м/с.

Түнде және таңертең Солтүстік Қазақстан облысының батысында, солтүстігінде тұман түседі деп күтіледі. Петропавлда түнде және таңертең тұман болуы ықтимал.

Павлодар облысының солтүстігінде тұман түседі деп болжанады.

Қызылорда облысының орталығында, шығысында, оңтүстігінде төтенше өрт қаупі сақталады. Қызылордада да төтенше өрт қаупі сақталады. 

Қостанайда түнде және таңертең тұман түсуі ықтимал.

Ұлытау облысының солтүстігінде, шығысында найзағай ойнайды деп күтіледі. 

Қарағанды облысының солтүстігінде, шығысында найзағай ойнап, күндіз бұршақ жауады деп болжанады. Түнде және таңертең облыстың орталығында, солтүстігінде тұман болады деп күтіледі. Түнде облыстың батысында, солтүстігінде топырақ беті қатып, сынап бағаны 1 градус суықты көрсетеді. 

Жамбыл облысының  таулы аудандарында солтүстік-шығыстан соққан желдің екпіні - 15-20 м/с. Өрт қаупі жоғары. Таразда да өрт қаупі жоғары.