Бүгін Астанада ауа райы қандай болады

26 наурызда Қазақстан аумағының басым бөлігі батыс антициклонының ықпалында болғандықтан ауа райы жауын-шашынсыз болады, деп хабарлады Elordainfo.kz.

Атмосфералық ағындардың өтуіне байланысты тек еліміздің оңтүстігінде, оңтүстік шығысында, шығысында көбінесе жаңбыр, оңтүстігінде қар немесе жаңбыр жауады.

Республика аумағында тұман түсіп, батыста, оңтүстікте жел күшейеді, шаңды дауыл соғуы ықтимал. ​

Астанада күн ала бұлтты. Күндіз ауа температурасы +1,+3°C, желдің жылдамдығы 2-7 м/с.

Алматыда күн ала бұлтты. Күндіз ауа температурасы +7+9°C, желдің жылдамдығы 3-8 м/с.

Шымкентте күн ала бұлтты. Күндіз ауа температурасы +9+11°C, желдің жылдамдығы 8-13, екпіні 15-20 м/с-ге жетуі мүмкін.