Ауа райы: Демалыс күндері 38 градус ыстық болады

Республиканың басым бөлігінде атмосфералық фронт әсерінен ауа райы құбылмалы болады, деп хабарлады Elorda.info «Қазгидромет»-ке сілтеме жасап.

Жаңбыр жауып, найзағай ойнайды. Республиканың шығыс пен оңтүстік-шығысында нөсер жаңбыр жауады. Солтүстік-батысында жауын-шашынсыз ауа райы сақталады. 

Сондай-ақ республиканың оңтүстігінде жел екпіні күшейіп, батыс пен оңтүстікте құмды дауыл соғады.

Қазақстанда ауа температурасы жоғарлайды: батыс облыстарда +32-37 градусқа дейін, солтүстік-батыста +30-35 градусқа дейін, солтүстікте +20-30 градусқа дейін, орталықта +20-28 градусқа дейін, оңтүстікте +30-38 градусқа дейін, оңтүстік-шығыста +20-25 градусқа дейін аздап төмендейді, таулы аймақтарда +10-15 градус, шығыста + 23-28 градус болады.