Атырауда бүлдіршінге қатыгездік көрсеткен тәрбиешіге қатысты үкім шықты

Атырауда 5 жасар бүлдіршінге қатыгездік көрсеткен жекеменшік балабақша тәрбиешісіне қатысты үкім шықты. Бұл туралы Elordainfo.kz «Ақ Жайық» басылымына сілтеме жасап хабарлады.

Бұл іс Атырау облысының кәмелетке толмағандар істері жөніндегі мамандандырылған ауданаралық сотында қаралды. Тәрбиеші сабақ беру кезінде баланы ұрған. Сот-медициналық сараптама баланың оң жақ санының көгеріп қалғанын анықтады.

Қатыгездік танытқан балабақша тәрбиешісі ҚР ҚК 140-бабы 2-бөлігі бойынша айыпталып отыр.

Сот үкімімен сотталушы ҚР ҚК 140-бабы 2-бөлігімен кінәлі деп танылып, оған педагогикалық лауазымдарды және кәмелетке толмағандармен жұмыс істеуімен байланысты лауазымдарды атқару құқығынан 1 жыл мерзімге айыра отырып, 80 айлық есептік көрсеткіш мөлшерінде (314 560 теңге) айыппұл төлеу міндеттелді.

Сот үкімі заңды күшіне енген жоқ.