Ертең еліміздің баcым бөлігіне тұман түседі

Синоптиктер республика бойынша 14 ақпанға арналған ауа райы болжамын ұсынды, деп хабарлады Elorda.info.

«Қазгидромет» РМК ұсынған мәлімет бойынша, солтүстік-батыс циклон жырасының әсерінен еліміздің батысында, солтүстік-батысында қар, оңтүстігінде, оңтүстік-батысында жауын-шашын (қар, жаңбыр түрінде) жауып, жаяу бұрқасын болады, жел күшейеді, елдің батысында, оңтүстігінде көктайғақ болжанды.

Тек республикамыздың солтүстік жартысында, орталығында, шығысында, оңтүстік-шығысында ауа райы жауын-шашынсыз болады. Еліміз бойынша тұман түседі, - делінген «Қазгидромет» РМК хабарламасында.

Астана қаласында оңтүстік-шығыстан жел соғады, күші – 2-7 м/с. Ауа температурасы түнде -21-23°С, күндіз -10-12°С болады.

Алматы қаласында желдің күші – 0-5 м/с. Ауаның температурасы түнде  -7-9°С, күндіз +1+3°С болады.