XPeng компаниясы ұшатын автокөлік жасап шығарды

Көлік HT Aero деп аталады.

Седан формасында көлікте үш есік, екі орындық, электр қозғалтқыш және ұшуға арналған винттер бар. Көлік автопилот жүйесімен жабдықталған, бұл оған жолда да, ауада да айналаны барлауға мүмкіндік береді.

Компания өкілдерінің айтуынша, HT Aero жерге жақын биіктікте ғана ұша алады. Салонда рульден басқа, ауада басқаруға арналған джойстикке ұқсас тұтқа бар. Ұшатын көліктің ұзындығы – 5,5 метр. Машина ауада сағатына 130 шақырымға дейінгі жылдамдықпен ұша алады, тек ұшу уақыты 30 минуттан аспауы керек.

Xpeng компаниясы 2024 жылға қарай осындай гибрид көліктерді көптеп шығаруды жоспарлап отыр. Жаңа автокөлік шамамен 1 миллион юань тұрады, бұл дегеніміз – 66,5 млн теңге.