Мамонт пен мүйізтұмсықтың "сапары" Нұр-Сұлтанда аяқталды

Қаржылық мониторинг агенттігінің елордалық департаменті артекфактілердің экономикалық контрабандасы фактісі бойынша Ресей азаматына қатысты тергеуді бастады.

“РФ азаматы Нұр-Сұлтан халықаралық әуежайы арқылы Қытайға жалпы салмағы 2 тоннадан асатын мамонттың азулары мен мүйізтұмсықтың мүйіздерін заңсыз алып өтпек болған”, – делінген хабарламада.

Тауарды Мәскеудегі ЖШҚ директоры жіберген. Палеонтологиялық материалды Қазақстанға кіргізіп, әрі қарай Қытайға жіберу үшін елордада ЖШС тіркелген. Оның диеркторы етіп Ресейдің манағы қолға түскен азаматын тағайындаған. 

“Мамандардың қорытындысы бойынша, қазба материалдарының құны 173 миллион теңгені құрады. 2021 жылғы 1 қазанда күдікті ұсталып, қамауға алынды”, – дейді агенттіктің баспасөз қызметі.