Ауқаттылар аз қамтылған топтардағы азаматтарға қарағанда үш есе көп тамақ жейді

Ауқаттылар аз қамтылған топтардағы азаматтарға қарағанда үш есе көп тамақ жейді, деп хабарлады Elorda.info Ranking.kz-ке сілтеме жасап.

Халықтың кедей санатымен салыстырғанда ауқатты қазақстандықтар балық пен теңіз өнімдерін 4,3 есе, етті 3,8 есе, жемістерді 4 есе көп тұтынады. Бұл ет мысалында анық байқалады. Сондай-ақ ауқаттылар тоқсанына бір адамға 37,7 кг ет пен шұжық тұтынса (айына 12,5 кг немесе тәулігіне 400 г), ал кедей үй шаруашылықтары бар болғаны 9,8 кг (айына 3,2 кг немесе тәулігіне 100 г) тұтынады.

Басқа азық-түлік топтарында да айырмашылықтар бар, олар сондай-ақ байлар мен кедейлердің мәзірін өте әртүрлі етеді. Бай отбасылар сүт өнімдерін, көкөністерді, тәттілерді 3 есе, картопты, жарма мен нанды 1,7 есе көп тұтынады.

Бір қызығы, ауылдардағы ауқатты қазақстандықтар ауқатты қала тұрғындарына қарағанда көбірек тамақтанады. Бұл аз қамтылғандарға да қатысты: азық-түлікке келсек, қаладағы кедейден гөрі ауылдағы кедей болу оңай, өйткені ауылда жеке қосалқы шаруашылық ұстауға болады.

Ең ауқатты қазақстандықтардың ас мәзіріндегі өнімдердің құрамы да өзгерді. Олар сүт өнімдерін тұтынуды 16%, балықты — 14,4%, етті — 6%, жарма мен нанды — 10,9% азайтты.