Түркияда Наурыз ресми мереке болды

Түркияда Наурыз мерекесі тұңғыш рет ресми мейрам ретінде аталып өтетін болды. Мұндай мәлімдемені мерекелік жиынға қатысқан ел президенті Режеп Тайып Ердоған жасады, деп хабарлады Elordainfo.kz.  

Ол 21 наурыз күнін Түркі халықтарының бірлігі және көктем мейрамы ретінде атап өту үшін Парламентке тиісті заң жобасын қабылдауды ұсынатынын айтты.

Бұл жаңалықты жергілікті тұрғындар қуана қабылдады. Бұған дейін тек бейресми аталып келген Наурыз мейрамы енді мемлекеттік деңгейде тойланады.

«Наурыз ортақ мәдениетіміз, ортақ тарихымыз және ортақ көңіліміздің ең маңызды нышаны. Наурыздың бұл құндылықтарын арттыра түсу қажет. Бірқатар түркі мемлекеттерінде ресми мереке ретінде аталып өтетін Наурызды барлығымыз бірге тойлайтын уақыт келді», - деді Түркия президенті Режеп Тайып Ердоған.