АҚШ Қытай тауарларына 104% мөлшерінде баж салығын енгізді

9 сәуірден бастап АҚШ Қытайдан келетін тауарларға 104% мөлшерінде баж салығын енгізді, себебі Қытай америкалық 34% мөлшеріндегі баж салығын алып тастамады, деп хабарлайды Elordainfo.kz bbc.com сайтына сілтеме жасап. 

Ақ үйдің баспасөз хатшысы Кэролайн Левитттің айтуынша, жаңа ставка сәрсенбі, 9 сәуірде күшіне енді. Қытай импортынан 34% мөлшерінде қосымша баж салығын енгізу туралы Трамп 2 сәуірде мәлімдеген болатын, бұл оның әлемнің біраз еліне қарсы жүргізіп жатқан сауда соғысының бір бөлігі.

«Жауап ретінде Қытай америкалық өнімдерге ұқсас баж салығын енгізді және Трампқа ешқандай компромиске бармайтынын мәлімдеді. Жаңа баж салығының өсуі — Қытайдың жауапты баж салығын енгізу нәтижесі. Бұған дейін Қытайдың Сауда министрлігі АҚШ тарапынан кез келген қосымша баж салығына қарсы «контршаралармен» жауап беретінін мәлімдеген болатын», — деп жазылған хабарламада.

Қытай министрлігі өз мәлімдемесінде Дональд Трамп әкімшілігін бопсалауда деп айыптап, Пекин «соңына дейін күресетінін», егер АҚШ «осындай саясатты жалғастыратын болса» айтқан. Вашингтонда «көзбе-көз» деп аталатын тарифтер Қытайдың мәлімдемесінде «негізсіз» және «жақын экономикаға қарсы біржақты қысым көрсету тәсілінің көрінісі» деп сипатталған.

Эльмира Жұмабай