Қазақстанның шетелдердегі елшіліктерінде референдумға дауыс беру жүргізіліп жатыр

Түркиядағы елшілікте №286 дауыс беру учаскесі өз жұмысын жергілікті уақыт бойынша сағат 07.00-де бастады. Қазақстан азаматтары өз дауыстарын кешкі сағат 20:00-ге дейін бере алады, – делінген Қазақстанның Түркиядағы елшілігі таратқан хабарламада.

Сондай-ақ еліміздің Италиядағы елшілігі жанындағы №245 референдум учаскесі де өз жұмысын бастады.

Қазақстанның Малайзиядағы елшілігінде де референдумға дауыс беру басталды. 

Куала-Лумпурдағы Учаскіде алғашқы болып дауыс берген отандасымызды қарсы алдық, – деп жазды Қазақстанның Малайзиядағы елшілігі.

Қазақстанның Франциядағы елшілігінде де референдумға дауыс беру жүргізіліп жатыр.

Париж қаласындағы №246 дауыс беру учаскесі өз жұмысын бастады, – делінген хабарламада.