Әмір Омарханов пен Заңғар Нұрланұлының қарсыластары анықталды
17 қаңтар, 2025


Фото: ktf.kz
Жасөспірімдер арасындағы Аустралия ашық чемпионатының жеребесі тартылды, деп хабарлады Elordainfo.kz.
Жасөспірімдер арасында әлемнің 4-ракеткасы Әмір Омарханов ертең америкалық Матисс Фарзаммен (45 ITF) ойнайды.
Жасөспірімдер арасында ITF рейтингісінде 39-сатыдағы Заңғар Нұрланұлының алғашқы қарсыласы – аустралиялық Николас Бейкер (306 ITF).
Ә.Омарханов өткен жылы Аустралия біріншілігінде жекелей сында ширек финалға жеткен болатын. Ал З.Нұрланұлы «Үлкен дулыға» турнирінде алғаш рет бақ сынамақшы.
Айта кетейік, жасөспірімдер арасындағы жарыс 18-25 қаңтар аралығында өтеді.
Ұқсас жаңалықтар