Кирилл Бауэр Универсиадада қола медаль жеңіп алды

Қазақстандық биатлоншы Кирилл Бауэр Италияның Турин қаласында өтіп жатқан Универсиадада қола жүлдегер атанды, деп хабарлады Elordainfo.kz.

Спортшы 15 шақырымдық масс-стартта үшінші орынға ие болып, тек француз Натанаэль Пекен мен швед Карл Гренландтан қалып қойды. Бауэр жарысты 43:26.9 уақытпен аяқтап, төрт рет мүлт кетті. Жеңімпаздан артта қалуы 33.8 секундты құрады.

Бұл қола медаль Қазақстанның 2025 жылғы Универсиададағы 12-ші жүлдесі болды.

Айта кетейік, ел қоржынында үш алтын, төрт күміс және бес қола медаль бар.

Қысқы Универсиада-2025 13-23 қаңтар аралығында Турин қаласында өтуде. 11 спорт түрі бойынша 43 ұлттық студенттік спорт федерациясынан 1 400-ден астам спортшы қатысып жатыр.