Футболдан Қазақстан құрамасы толық құрамда дайындыққа кірісті

Футболдан Қазақстан құрамасы 2026 жылғы әлем чемпионаты іріктеу кезеңіндегі алдағы екі ойынына толық құрамда дайындыққа кірісті, деп хабарлады Elordainfo.kz.

Бұл жөнінде Қазақстан футбол федерациясы мәлім етті. Ел құрамасы J тобында сынға түсіп жатыр. Қарсыластары – Бельгия, Уэльс, Солтүстік Македония және Лихтенштейн. 

Қазірге дейін қазақстандық футболшылар Уэльс (1:3) пен Солтүстік Македония (0:1) құрамаларынан жеңіліп, Лихтенштейннен (2:0) басым түсті.

Енді қыркүйекте әлем чемпионаты іріктеу кезеңінде екі ойын өткізеді. 4 қыркүйекте Астанада Уэльс құрамасын қабылдаса, 7 қыркүйекте сырт алаңда Бельгиямен кездеседі. Екі ойын да 2026 жылғы әлем чемпионатының іріктеу кезеңі аясында өтеді.

Ұлттық құраманың оқу-жаттығу жиыны 29 тамызда Астанада басталды. Оған алдымен қазақстандық футболшылар келді. Одан кейін Ресейдің «Зенит» клубының қорғаушысы Нұралы Әліп пен «Ахмат» клубының шабуылшысы Максим Самородов келіп қосылды.

Сондай-ақ Чемпиондар лигасы негізгі кезеңіне жолдама алған алматылық «Қайрат» командасының Қазақстан Премьер-лигасы 22-турдағы «Оқжетпеспен» ойыннан кейін Дастан Сәтпаев, Дамир Қасаболат, Темірлан Анарбеков ұлттық құрама сапын толықтырды. 

Ал Бақтиер Зайнутдиновтің алдағы екі ойынға қатыса алмайтыны белгілі болды.

Қақпашылар: Мұхаммеджан Сейсен («Астана»), Темірлан Анарбеков («Қайрат»), Бекхан Шайзада («Ордабасы»);

Қорғаушылар: Әлібек Қасым, («Ақтөбе»), Ян Вороговский («Астана»), Нұралы Әліп («Зенит», Ресей), Наурызбек Жагоров («Тобыл»), Еркін Тапалов («Қайрат»), Сергей Малый, Ұлар Жақсыбаев, Сұлтанбек Астанов (бәрі – «Ордабасы»);

Жартылай қорғаушылар: Ислам Чесноков («Тобыл»), Рамазан Оразов, Алмас Төлібай, Ғалымжан Кенжебек (бәрі – «Елімай»), Дәурен Жұмат, Серікжан Мужиков (екеуі де – «Оқжетпес»), Дінмұхамед Қараман («Жеңіс»), Бағдат Қайыров («Ақтөбе»), Дамир Қасабулат («Қайрат»);

Шабуылшылар: Оралхан Өміртаев («Ақтөбе»), Максим Самородов («Ахмат», Ресей), Дастан Сәтпаев («Қайрат»), Иван Свиридов («Елімай»).