«Қайрат» Чемпиондар лигасының финалына шықты
3 мамыр, 2025


Фото: freepik
Алматының «Қайрат» футзал клубы Францияның Ле-Мана қаласында өткен Чемпиондар лигасының жартылай финалында Испанияның қазіргі чемпионы «Картахенаны» жеңді, деп хабарлады Elordainfo.kz.
«Қайрат» сенсациялық жеңіске жетіп, финалға жолдама алды — 3:2.
Қазақстандық команданың сапында Алиссон дубль авторы атанса, тағы бір голды 39-минутта қақпашы Деннис Кавальканти соқты. Ал испаниялықтар қатарынан Мигель Анхель Мельядо (20-минут) және Габриэль Мотта (40-минут, пенальтиден) мергендік танытты.
Финалда «Қайрат» Испанияның «Пальмасымен» кездеседі. Клуб жартылай финалда Португалияның «Спортингінен» басым түсті.
«Қайрат» бұған дейін Чемпиондар лигасын екі рет жеңіп алған (ол кезде турнир УЕФА Кубогы деп аталатын): 2013 және 2015 жылдары.
Ұқсас жаңалықтар

3 мамыр, 2025
Футбол ойнаған бір атаның балалары: Таразда ерекше жарыс өтіп жатыр

2 мамыр, 2025
Елордада алғаш рет парадзюдодан әлем чемпионаты өтеді

2 мамыр, 2025
Әбиба Әбужақынова дзюдодан Grand Slam турнирінде қола медаль жеңіп алды

2 мамыр, 2025
120 млн теңге: Елорда бәйге түрлерінен ауқымды «Астана кубогын» қабылдайды