Чемпиондар лигасы: Ширек финалға шыққан екі команда анықталды

Мюнхендік «Бавария» өз алаңында Аустрияның «Зальцбург» командасын 7:1 есебімен ұтты. Алғашқы матч тең аяқталған болатын.

«Бавария» (Мюнхен, Германия) – «Ред Булл Зальцбург» (Аустрия) 7:1 (4:0). Бірінші матч – 1:1.

Гол соққандар: 1:0 – Левандовский (12, пен), 2:0 – Левандовский (21, пен), 3:0 – Левандовский (23), 4:0 – Гнабри (31), 5:0 – Мюллер (54) , 5:1 - Кергор (70), 6:1 - Мюллер (83), 7:1 - Зейн (85).

Англияда «Ливерпуль» мен «Интер» командалары кездесті. Италиялықтар Лаутаро Мартинес соққан доптың арқасында 1:0 есебімен ұтты. Алайда бірінші матчта «Ливерпуль» 2:0 жеңгендіктен, екінші матч қорытындысы бойынша ағылшындар ширек финалға жолдама алды.

«Ливерпуль» (Англия) - «Интер» (Милан, Италия) 0:1 (0:0). Бірінші матч – 2:0.

Гол соққан: 0:1 – Мартинес (61).