«2 жыл бұрын ажырасқан»: Динара Сәтжан Жұмабек Жанқұловпен неке қию салтанатында түскен фотосын жариялады

Ол өзінің facebook парақшасында Динара Жанқұл болып, күйеуінің тегін иеленгенін жазған. 

Сондай-ақ күйеуі Жұмабек Жанқұловтың парақшасын белгілеген. 

Бұған дейін Динара Сәтжанның өз өміріндегі бұл өзгерісті байыппен қабылдағанын жазған болатынбыз. 

«Енді мен ештеңе істемеуіме болады» деген ой болған жоқ. Керісінше мұны жауапкершілік деп қабылдадым. Әрі мынаны түсіну керек, Forbes-тағылар - бизнес адамдары. Олардың ақшалары зауытта, өндірісте, тіпті несие де капиталға жатады. Олар, соның ішінде менің жолдасым ақшаны табады да, жаңа кәсіпке инвестиция жасайды. Маған онымен жайлы болуының сыры мынада -  мен ол адаммен күнде ақылдаса аламын. Менің алтын қағидам бар, бұл - күніне 1 сағат ақылды адаммен сөйлесу.  Ал менің қазіргі өмірімде сондай адам бар, онымен 24/7 жүйесінде кеңесе аламын. Әсіресе, кәсіпкерлік туралы кеңесеміз. Мысалы, мен айына 50 млн табуды мақсат еткенімді айтамын. Ол «Еш мақсат қоймай, рахаттанып өмір сүр» дейді. Бірақ мен бұған «жоқ» деймін. Ал ол кеңес бергенде көп ақша табу қиын емес екенін білесің. Бұл жағынан керемет. Ал Forbes тізіміндегі бай адамға тұрмысқа шығып, құр жағажайда жату - бұл мен жайлы емес», - деді Динара Сәтжан. 

Керісінше, Динара Сәтжан тұрмысқа шыққалы бұрынғыдан да көп жұмыс істей бастағанын байқаған.

«Басында ол жұмыс кестемді қысқартып, түсірілімдерді, ел бойынша сапарларымды азайтуды сұрады. Бірақ неге екенін білмеймін, онымен өмірімді байланыстырғалы керісінше командам үлкейіп, күшім тасып, жұмысым көбейе бастады», - деді ол.

Медиа-жұлдыз екеуінің де уақыттарының тығыздығына байланысты таңертең және кешке ғана көрісетіндерін, бір-бірімен жиі ұшырасу үшін бір ай бұрын белгіленген жоспарларымен танысатындарын айтты.