Президент Астана халықаралық форумына қатысады

Бүгін Президент Қасым-Жомарт Тоқаев Астана халықаралық форумының пленарлық отырысына қатысып, сөз сөйлейді, деп хабарлады Elorda.info Ақорданың ресми сайтына сілтеме жасап.

Форумда Қырғызстан Президенті Садыр Жапаров, Босния және Герцеговина президиумының төрағасы Желька Цвиянович, Өзбекстан Премьер-министрі Абдулла Арипов, ЮНЕСКО бас директоры Одрэ Азуле, Халықаралық валюта қорының басқарушы директоры Кристалина Георгиева және басқа да спикерлер сөз сөйлейді. 

Сонымен қатар Мемлекет басшысының төрағалығымен Шетелдік инвесторлар кеңесінің отырысы өтеді.

Бұдан бөлек Президент:

– Халықаралық валюта қорының басқарушы директоры Кристалина Георгиевамен;

– Еуропалық қайта құру және даму банкінің президенті Одиль Рено-Бассомен;

– Азия даму банкінің президенті Масацугу Асакавамен;

– Дүниежүзілік банктің вице-президенті Антонелла Бассанимен;

– Citigroup компаниясының Еуропа, Таяу Шығыс және Африка бойынша бас атқарушы директоры Дэвид Ливингстонмен;

– ENI компаниясының бас атқарушы директоры Клаудио Дескальцимен бірқатар кездесу өткізеді.