Жетісу облысында 4 мың оқушы сабақта ересектерге арналған сайттарды қараған

Жетісу облысында оқушылар сабақтың орнына діни ойын мен ересектерге арналған сайттарды қараған, деп хабарлады Elordainfo.kz Жетісу облысының прокуратурасына сілтеме жасап.

«Көксу ауданындағы жеті мектепте 4 мың оқушы информатика кабинетіндегі тыйым салынған сайттарға, соның ішінде «Игра Сатаны» діни ресурсын және мазмұны ересектерге арналған сайттарға кірген. Жеті мұғалім жол берілген бұзушылықтары үшін тәртіптік жауапкершілікке тартылды.

«Заң және тәртіп» идеологиясын жүзеге асыру аясында Жетісу облысының прокуратурасы кәмелетке толмағандардың құқықтарын қорғауды жалғастыруда және олардың қауіпсіздігін қамтамасыз ету үшін қосымша шаралар қабылдайды», – делінген прокуратура хабарламасында.