Қостанайда екі астық қоймасына найзағай түсті

фото: ҚР ТЖМ

Астықты өлкедегі «Компания САЛАМАТ» ЖШС диірмен кешенінің аумағында екі астық қоймасы құлады, деп хабарлады Elorda.info ТЖМ Өнеркәсіптік қауіпсіздік комитетіне сілтеме жасап.

Алдын ала ақпараттарға сәйкес нысанға найзағай тиген. Бұл жағдай апат ретінде тіркелді. Зардап шеккендер жоқ.

Оқиға орнында Қазақстан Республикасы Төтенше жағдайлар министрлігі Өнеркәсіптік қауіпсіздік комитетінің Қостанай облысы бойынша департаментінің қызметкерлері жұмыс істейді. Барлық қатысы бар адамдар анықталғаннан кейін Департаментпен орын алған жағдайды тергеу жөніндегі комиссия құрылатын болады,-делінген ведомство таратқан мәліметте.

Тергеу нәтижелері қосымша хабарланады.