Абай облысында ұрлығы әшкере болған барымташы өзіне өзі қол салды

Курчатов қалалық сотында мал ұрлаған екі адамға қатысты қылмыстық іс қаралды, деп хабарлады Elordainfo.kz.

Ж. және А. есімді азамат алдын ала келісіп, 8 бас ірі қараны ұрлап, қыстақтағы мал қораға жасырған. Ұрланған малдарды көлікке тиеп жатқанда қыстаққа ауыл тұрғындары келіп қалады. Осы кезде Ж. оқиға орнынан қашып кетіп, өз өзіне қол жұмсап, қайтыс болған. Ал А. қашып бара жатқан жерден ұсталды.

«Ж. есімді азамат ҚР ҚК-нің 24-бабының 3-бөлігі, 188-1-бабының 2-бөлігі 1,2-тармақтарымен көзделген қылмыста кінәлі деп танылды, алайда өліміне байланысты жаза тағайындалған жоқ. А. есімді азамат ҚР ҚК-нің 24-бабының 3-бөлігі, 188-1-бабының 2-бөлігі 1,2-тармақтарымен көзделген қылмыста кінәлі деп танылып, 4 жылға бас бостандығынан айыру жазасы тағайындалды», - Курчатов қалалық сотының баспасөз қызметі.

Үкім заңды күшіне енген жоқ.