Қаңтар оқиғасы: Ұрланған қару-жарақ Астана мен Щучинск қалаларынан табылды

фото: t.me/knbgov_kz

Шілде-тамыз айларында Астана мен Щучинск қалаларында қару-жараққа заңсыз ие болып отырған бір топ адам ұсталған, деп хабарлады Elordainfo.kz Ұлттық қауіпсіздік комитетіне сілтеме жасап.

«Астанадағы тінту кезінде Қаңтар оқиғасында ұрланған 2 «Калашников» автоматы мен 43 оқ-дәрі, Щучинск қаласынан 7 атыс қаруы, 4 тапанша және 1500-ден астам түрлі калибрлі оқ-дәрі табылды», - деп жазылған хабарламада.

Жыл басынан бері комитет заңсыз қару «бизнесімен» айналысқан 13 топты, жасырын қару істейтін 2 цехты жойған екен. Бұл топтардан 41 автомат, 203 мылтық, 121 тапанша, 57 қол гранатасы, 44 жарылғыш зат және әртүрлі калибрдегі 11 138 патрон тәркіленген.